भद्रपुर उडेको बुद्ध एअरको विमान आकाशबाटै फर्कियो

काठमाडौँ, १८ जेठ । काठमाडौँबाट भद्रपुर उडेको जहाज आकाशबाटै फिर्ता भएको छ ।

बुद्ध एअरको ९५३ उडान नम्बरको हवाईजहाजको पछिल्लो टायरका केही पार्ट धावनमार्गमा भेटिएपछि काठमाडौँ विमानस्थलमै फिर्ता भएको हो ।

विमानस्थलका प्रवक्ता टेकनाथ सिटौलाका अनुसार काठमाडौँबाट ३० नटिकल माइल उडेको विमान काठमाडौँ फिर्ता भएपछि विमानस्थल बन्द गरिएको छ ।

अब प्राविधिक जाँच गरिने बताइएको छ ।