काठमाडौँ, १६ जेठ । काठमाडौँ महानगरपालिकाका नवनिर्वाचित मेयर बालेन्द्र (बालेन) साहले नेपाल भाषामा पनि सपथ लिएका छन् ।
सोमबार राष्ट्रिय सभागृहमा आयोजित समारोहमा प्रमुख साहलाई मुख्य निर्वाचन अधिकृत राजु खतिवडाले सपथ ग्रहण गराएका हुन् ।
साहले नेपाली भाषामा सपथ लिएपछि नेपाल भाषामा समेत सपथ पढेका थिए ।
प्रमुख साहसँग उपप्रमुख सुनिता डंगोलले भने नेपाल भाषामा सपथ लिएकी थिइन् । कार्यक्रममा ३२ वटा वडाका वडाध्यक्ष, वडा सदस्यहरुलाई पनि शपथ गराइएको थियो ।
कार्यक्रममा प्रमाणपत्र पनि वितरण गरिएको थियो ।
प्रतिक्रिया