भरतपुर अपडेट: रेणु दाहालको ८० मतले अग्रता

काठमाडौँ, १ जेठ । भरतपुर महानगरपालिकामा सत्ता गठबन्धनका नेकपा माओवादी केन्द्रकी उम्मेदवार रेनु दाहाल ८० मतले अग्रता कायम राखेकी छन् ।

हालसम्म भएको ४ हजार ८७७ मत गणनामा दाहालले १७२७ र नेकपा एमालेका उम्मेदवार विजय सुवेदीले १६४७ मत ल्याएका छन् ।

गठबन्धनका बागी उम्मेदवार जगन्नाथ पौडेलले ५७९ मत पाएकी छन् ।

त्यस्तै, उपमेयरमा नेपाली कांग्रेसका उम्मेदवार चित्रसेन अधिकारीले १८९५ मत पाएका छन् भने राप्रपा उम्मेदवार हिमला गुरुङले १३३३ मत पाएकी छन् ।