काठमाडौँ, १ जेठ । काठमाडौँ महानगरपालिकासहित महानगरहरुमा मतगणना निकै सुस्ता भइरहेको छ ।
शनिबारदेखि सुरु मतगणनामा हालसम्म काठमाडौँको करिब साढे ६ हजार मत मात्रै गनिएको छ ।
यसरी हेर्दा शनिबार विहान ९ बजेदेखि २८ घण्टामा केवल जम्मा ६ हजार ४ सय ७३ मत गणना भएको छ ।
यसरी हेर्दा एक घण्टामा २ सय २८ वटा मत गणना भएको देखिन्छ ।
काठमाडौँ महानगरपालिकामा १ लाख ९१ हजार मत खसेको छ । यसरी हिसाब गर्दा अब कुल मत गन्न ८ सय ३५ घण्टा लाग्ने देखिन्छ, यो भनेको करिब ३४ दिन हो ।
काठमाडौँमा कूल ६३ मत खसेको थियो । त्यस्तै, २०७४ मा दुई हप्तामा मतगणना सकिएको थियो ।
यसरी निकै सुस्त मतगणना भएपछि सामाजिक सञ्जालमा चर्को आलोचना तथा व्यंग्य प्रस्तुत हुन थालेको छ ।
सञ्जाल प्रयोगकर्ताहरुले ट्रोल बनाउनेदेखि विभिन्न व्यंग्य गर्न थालेका छन् ।
प्रतिक्रिया