अन्तर्राष्ट्रिय विमानस्थल २४ सै घण्टा सञ्चालन हुने, यी विमानस्थलमा हुनेछन् उडान

काठमाडौँ, ९ वैशाख । नेपालका अन्तर्राष्ट्रिय विमानस्थल २४ सै घण्टा सञ्चालन हुने भएका छन् ।

काठमाडौँको त्रिभुवन अन्तर्राष्ट्रिय विमानस्थल र भैरहवास्थित गौतमबुद्ध अन्तर्राष्ट्रिय विमानस्थल २४ सै घण्टा सञ्चालनमा आउने भएका हुन् ।

नेपाल नागरिक उड्डयन प्राधिकरणका महानिर्देशक प्रदीप अधिकारीका अनुसार कोरोना महामारीको प्रभाव कम हुँदै जाँदा राष्ट्रिय–अन्तर्राष्ट्रिय हवाई यात्रुको चाप बढ्दै जाँदा विमानस्थलहरुलाई समेत पूर्ण क्षमतामा चलाउने निर्णय भएको हो ।

कतिपय कम्पनीहरुले राती उडान रद्द गर्दा यात्रुहरुलाई समस्या भएको भन्दै पूर्णकालीन सञ्चालन गर्न लागिएको हो ।

नेपालमा गौतमबुद्ध अन्तर्राष्ट्रिय विमानस्थल बिहीबारबाट अनौपचारिक रुपमा आन्तरिक उडान शुरु भएका छन् ।

प्राधिकरणका अनुसार रात्रिकालीन उडान हुने विमानस्थल भने अब १८ घण्टा चल्नेछन् । बिहान ६ बजे खुल्ने विमानस्थलहरु राति १२ बजे बन्द हुनेछन् ।

यी विमानस्थलमा हुनेछन् रात्रीकालीन उडानः

त्रिभुवन अन्तर्राष्ट्रिय विमानस्थल

गौतमबुद्ध अन्तर्राष्ट्रिय विमानस्थल

धनगढी विमानस्थल

नेपालगञ्ज विमानस्थल

सिमरा विमानस्थल

जनकपुर विमानस्थल

विराटनगर विमानस्थल

भद्रपुर विमानस्थल