एमालेको नयाँ पार्टी कार्यालय यस्तो छ

काठमाडौँ, ८ वैशाख । नेकपा (एमाले) शुक्रबार (भोलि)देखि नयाँ पार्टी कार्यालयमा सर्दैछ ।

एमालेले ललितपुरको च्यासलस्थित तुलसीलाल स्मृति भवनमा पार्टी स्थापना दिवसको अवसर पारेर सर्न लागेको हो ।

एमालेले नयाँ पार्टी कार्यालयबाटै स्थानीय निर्वाचनको घोषणापत्र सार्वजनिक गर्ने भएको छ ।

पार्टी कार्यालयमा पदाधिकारीहरुको कार्यकक्ष निर्माण भइरहेको छ । कार्यालयमै २०० जनासम्म अट्ने सभाहल रहने कार्यालय सचिव भीष्म अधिकारीले बताएका छन् ।