पल शाह प्रकरणः नवलपुर अदालतमा पनि पीडितले फेरिन् बयान

काठमाडौँ, ७ वैशाख । अभिनेता पल शाह प्रकरणमा पीडित बालिकाले नवलपुर जिल्ला अदालतमा पनि बयान फेरेकी छन् ।

नाबालिगविरुद्ध जबरजस्ती करणीको केसमा थुनामा रहेका शाहविरुद्धको बालिकाले बयान फेरेकी हुन् ।

उनले तनहुँ जिल्ला अदालतमाझैँ आफूमाथि जबर्जस्ती करणी नै नभएको र अभियुक्त पल शाह निर्दोष रहेको भनी बकपत्र गरेकी अदालतले जनाएको छ ।

अब अदालतले बालिकाका बाबु र अरु साक्षीहरुको बकपत्र गराउनेछ ।