काठमाडौं, ७ वैशाख । बालबालिकालाई आज पनि भिटामिन ‘ए’ र जुकाको औषधि खुवाइँदै छ ।
दोस्रो चरणको राष्ट्रिय अभियान मंगलबारदेखि शुरू भएको थियो । आज अन्तिम दिन पनि देशभर भिटामिन ए र जुकाको औषधि खुवाउने कार्यक्रम चल्ने छ ।
स्वास्थ्य तथा जनसंख्या मन्त्रालय अन्तर्गतको परिवार कल्याण महाशाखाका अनुसार ६ महिनादेखि ५९ महिनासम्मका बालबालिकालाई भिटामिन ‘ए’ र १ वर्षदेखि ५ वर्षसम्मका बालबालिकालाई जुकाको औषधि खुवाउन थालिएको हो ।
२७ लाख बालबालिकालाई भिटामिन ‘ए’ र २३ लाख ९३ हजार बढी बालबालिकालाई जुकाको औषधि खुवाउने लक्ष्य छ ।
स्थानीय तहले विद्यालय वा नजिकको स्वास्थ्य केन्द्रबाट औषधि खुवाउने छन् । अभियान ७५३ वटै स्थानीय तहमा सञ्चालन भइरहेको छ ।
प्रतिक्रिया