अब को बन्ला आयल निगमको कार्यकारी निर्देशक ?

काठमाडौँ, २६ फागुन । पेट्रोलियम पद्धार्थको मूल्य आकाशिएको छ । नेपालमा तेल आयात गर्ने एकाधिकार पाएको नेपाल आयल निगम भारी ऋणमा भएको तथ्यांक सार्वजनिक भएको छ ।

सधैँ घाटामा हुने निगम पछिल्लो समय झन् बढी घाटा भएको जनाउँदै पेट्रोलियम पदार्थको मूल्य वृद्धि गरेको छ ।

यद्यपि तेलको मूल्य उच्च बिन्दुमा बढाउँदा पनि निगमले मासिक ५ अर्बभन्दा बढी घाटा व्यहोरिरहेको जनाइएको छ ।

निगमले संचिती रकम सकिएपछि सरकारबाट रकम लिएर तेल खरिद गरिरहेको छ ।

यसैबीच सरकारले निगमको कार्यकारी अधिकृत चयन गर्ने भएको छ ।

सम्भवत आज बस्ने मन्त्रिपरिषदले यसको टुंगो लगाउने बताइएको छ ।

जसका लागि तीन जना सिफारिस भएका छन् । निगमको कार्यकारी अधिकृतका लागि उमेशप्रसाद थानी, चण्डिकाप्रसाद भट्ट र जीवनप्रसाद सिटौला सिफारिस भएका छन् ।

२५ पौषमा खुल्ला प्रतिष्पर्धाबाट पदपूर्तिको आव्हान गरिएको थियो । उनीहरुमध्येबाट तीनजनाको नाम २५ फागुनमा सिफारिश भएको हो ।

काँग्रेस निकट थानीलाई कार्यकारी निर्देशक बनाउने आन्तरिक तयारी भएको बुझिएको छ ।