एमसीसीविरुद्ध काठमाडौँमा प्रदर्शन

काठमाडौँ, २६ माघ । अमेरिकी सहयोग परियोजना (एमसीसी) विरुद्ध विशाल प्रदर्शन भएको छ ।

वुधबार काठमाडौँको माइतीघर मण्डला र बानेश्वरस्थित संसद भवन अगाडि प्रदर्शन गरिएको छ ।

प्रदर्शनमा नेपाल कम्युनिष्ट पार्टी, देशभक्त जनगणतान्त्रिक मोर्चा, राष्ट्रिय जनमोर्चा, नेकपा (क्रान्तिकारी माओवादी), नेकपा र वैज्ञानिक समाजवादी कम्युनिष्ट पार्टी लगायत ८ राजनीतिक दलहरुले सहभागीता जनाएका छन् ।

प्रदर्शनमा सुरक्षालाई ध्यानमा राखेर ठूलो संख्यामा सुरक्षाकर्मीहरु परिचालन गरिएको छ ।