काठमाडौं, २० पुस । मैत्रीपूर्ण खेलका लागि नेपाली राष्ट्रिय फुटबल टोलीको ३४ सदस्यीय प्रारम्भिक टोली घोषणा गरिएको छ ।
सहीद स्मारक ‘ए’ डिभिजन लिगको प्रदर्शनलाई आधार मान्दै प्रशिक्षक अब्दुल्लाह अलमुताइरीले राष्ट्रिय टोली घोषणा गरेका हुन् । प्रशिक्षक अलमुताइरीले साफ च्याम्पियनशीपमा उपविजेता बनेको टोलीबाट घाइते भएका नवयुग श्रेष्ठ र इन्डोनेसियामा रहेका रोहित चन्दबाहेक २१ खेलाडीसहित थप १३ खेलाडी टोलीमा राखेर घोषणा गरेका हुन् ।
आगामी माघको १५ र १८ गते नेपाल र मोरिससबीच दशरथ रंगशालामा मैत्रीपूर्ण खेल हुँदै छ । त्यसका लागि प्रशिक्षण पुस ३० गतेबाट सुरु गर्ने तयारी भइरहेको बताइएको छ ।
घोषित टोलीमा कुन क्लबबाट को–को परे ?
मछिन्द्र – ७ : विशाल श्रेष्ठ, देवेन्द्र तामाङ, विशाल राई, सुजल श्रेष्ठ, सुनिल बल, विमल घर्तीमगर, मनिष डाँगी,
मनाङ मर्स्याङ्दी – ४ : दीनेश राजवंशी, नितिन थापा, पुजन उपरकोटी, अन्जन विष्ट
संकटा – १ : सुभाष गुरुङ
आर्मी – ४ : सुमन अर्याल, गौतम श्रेष्ठ, दिनेश हेन्जन, सन्तोष तामाङ,
हिमालयन शेर्पा – २ : दीप कार्की, कमल थापा
थ्री स्टार -२ : अनन्त तामाङ, आयुष घलान
न्यु रोड टिम – ४ : नविन गुरुङ, एरिक विष्ट, कृतिश रत्न छुन्जु, दर्शन गुरुङ
सातदोबाटो – ३ : आकाश बुढा मगर, सुदीप गुरुङ, सुशील राई
जावलाखेल – २ : टिकेन्द्र थापा, सुरज जिउ ठकुरी
एपिएफ – १ : आशिष लामा
पुलिस – ३ : शत्रुघन चौधरी, तेज तामाङ, सुमन लामा
बिबिसी, च्यासल र फ्रेन्ड्स : शून्य