प्रधानमन्त्री पत्नी आरजुद्वारा भाजपा विदेश विभाग प्रमुखसँग भेटवार्ता

काठमाडौँ, १८ पुस । प्रधानमन्त्री शेरबहादुर देउवाकी पत्नी आरजु राणा देउवाले भारतीय जनता पार्टीका विदेश विभाग प्रमुख विजय चौथाइवालेसँग भेटवार्ता गरेकी छन् ।

भारत भ्रमणमा रहेकी देउवा चौधाइवालेसँग भेटवार्ता गरेको चौथाइवालेले ट्विटरमार्फत जानकारी दिएका छन् ।

नेपाल भ्रमणमा आउँदा आरजुले उनलाई राखी बाँधीदिएकी थिइन् ।

पुसभित्रै प्रधानमन्त्री शेरबहादुर देउवा पनि भारत भ्रमणमा जाने तयारीमा छन् । आरजु निजी भ्रमण भनेर भारत गए पनि यसरी राजनीतिक भेटघाट गर्नुलाई अर्थपूर्ण रुपमा हेरिएको छ ।