काठमाडौं, २८ मंसिर । यूईएफए च्याम्पियन्स लिगको राउन्ड अफ १६ मा रियल म्याड्रिड र पेरिस सेन्ट जर्मेन (पीएसजी) भिड्ने भएका छन् ।
यसअघि सोमबार नै भएको पहिलो ड्र सफ्टवेयरको खराबीका कारण अमान्य रहेको थियो । यूईएफएलाई स्वतन्त्र संयन्त्रले ड्रको नतिजालाई स्विकार्न नसकिने जानकारी दिएपछि पुनः ड्र गरिएको हो ।
सुरुवाती ड्र अनुसार एक आपसमा पर्न नमिल्ने टोली पनि एक आपसमा राखिएपछि समस्या आएको थियो । पुनः ड्र मा भने यूईएफएले हरेक विकल्पमा स्विकृती प्राप्त भएपछि मात्र अघि बढेको थियो ।
राउन्ड अफ १६ को नयाँ ड्र –
– बायर्न म्युनिख विरुद्ध एफसी साल्जबर्ग
– म्यानचेस्टर सिटी विरुद्ध स्पोर्टिङ लिस्बन
– आयाक्स विरुद्ध बेन्फिका
– लिल विरुद्ध चेल्सी
– म्यानचेस्टर युनाइटेड विरुद्ध एट्लेटिको म्याड्रिड
– युभेन्टस विरुद्ध भिल्लारियल
– लिभरपुल विरुद्ध इन्टर मिलान
– रियल म्याड्रिड विरुद्ध पेरिस सेन्ट जर्मेन