काठमाडौं, २६ मंसिर । नेपाली कांग्रेसको केन्द्रीय निर्वाचन समितिले उम्मेदवारी फिर्ता लिने समय डेढ घण्टा थप गरेको छ ।
यसअघि आइतबार बिहान ११ बजेसम्म उम्मेदवारी फिर्ता वा दाबीविरोधको समय तोकिएको थियो । तर, समितिले उक्त समयलाई करिब डेढ घण्टा थप गरेर दिउँसो साढे १२ बजेसम्म तोकेको छ ।
अब १२ः३० बजेसम्म उम्मेदवारी फिर्ता लिन वा दाबीविरोध गर्न सकिने निर्वाचन समितिका सचिव जगन्नाथ श्रेष्ठले जानकारी दिएका छन् ।
नेपाली कांग्रेसको १४औं महाधिवेशन शुक्रबारदेखि काठमाडौंमा जारी छ । नयाँ नेतृत्व चयनका लागि भोलि सोमबार मतदान हुँदै छ ।
प्रतिक्रिया