काठमाडौं, २६ मंसिर । साफ यू–१९ महिला फुटबल च्याम्पियनशीपको पहिलो खेलमा नेपालले घरेलु टोली बंगलादेशसँग बराबरी खेलेको छ ।
ढाकास्थित वीर श्रेष्ठ शहिद सिपाही मुस्ताफा कमल स्टेडियममा नेपालले घरेलु टीमसँग गोलरहित बराबरी खेल्दै अंक बाँडेको हो ।
प्रतिस्पर्धात्मक खेलमा दुवै टोलीले मौका खेर फालेको थियो । यो नतिजासँगै नेपाल र बंगलादेशले समान १÷१ अंक जोडेको छ । अब नेपालले दोस्रो खेलमा बुधबार श्रीलंकासँग खेल्ने तालिका छ ।
यस्तै नेपालले भुटानसँग १७ डिसेम्वरमा र भारतसँग १९ डिसेम्वरमा खेल्ने छ । राउन्ड रोबिनको आधारमा हुने प्रतियोगितामा आयोजक बंगलादेशसहित नेपाल, भुटान, भारत र श्रीलंकाको सहभागिता छ ।
त्यसअघि शनिबारै भएको च्याम्पियनशीपको पहिलो खेलमा भुटानले श्रीलंकालाई ५–० को भारी अन्तरले पराजित गर्दै विजयी सुरुवात गरेको छ ।
प्रतिक्रिया
सम्बन्धित
सिफारिस