काठमाडौं, २१ मंसिर । इङ्ग्लिस प्रिमियर लिग फुटबलमा एभर्टनले आर्सनललाई हराएको छ ।
घरेलु मैदान गुडिसन पार्कमा गएराति भएको खेलमा एभर्टनले आर्सनलाई २–१ गोलले हराएको हो ।
एभर्टनका रिचार्लीसन र डिमाराई ग्रेले एकरएक गोल गरे । पहिलो हाफको अन्तिममा मार्टिन ओडेगार्डले गोल गरी आर्सनललाई सुरुवाती अग्रता दिलाएका थिए ।
तर ७९औँ मिनेटमा रिचार्लीसनले गोल गरी बराबरी गरे । खेलको इन्जुरी समयमा डेमाराई ग्रेले गोल गरी एभर्टनलाई जिताए ।
जितसँगै एभर्टन १५ खेलबाट १८ अङ्क जोडेर १२औँ स्थानमा उक्लिएको छ । आर्सनलको समान खेलमा २३ अङ्क छ । आर्सनल सातौँ स्थानमा छ ।
प्रतिक्रिया
सम्बन्धित
सिफारिस