कपिलबस्तु, ५ कात्तिक । कपिलबस्तु जिल्लाको बुद्धभुमि नगरपालिका–१० ढडीहवास्थित घोराही खोलाले बगाएर बेपत्ता भएका एक जनाको शव सशस्त्र प्रहरीले फेला पारेको छ ।
सोही ठाउँ बस्ने ३० वर्षीया सीता थारु र १४ वर्षीया सृजना थारुलाई खोलाले बगाएर बेपत्ता भएको भन्ने जानकारी पाएपछि सशस्त्र प्रहरी बल नेपाल नम्बर २८ गणबाट खटिएको सशस्त्र प्रहरीले सीता थारुको शव फेला पारेको जनाएको छ ।
बेपत्ता भएकी सृजना थारुको भने खोजीकार्य भइरहेको छ ।
यसैगरी, ईलाम जिल्लाको बुङ गाउँपालिका– ६ चिसापानीमा सशस्त्र प्रहरीले हरिमाया राईको शव फेला पारेको छ । उनी बेपत्ता भएको भन्ने जानकारी पाएपछि सशस्त्र प्रहरी बल नेपाल सुरक्षा वेश बाझोबाट खटिएको सशस्त्र प्रहरीले उनको शव फेला पारेको हो ।
प्रतिक्रिया
सम्बन्धित
सिफारिस