सुनको मूल्य २०० रुपैयाँले घट्यो, कति छ तोलाको ?

काठमाडौँ, ४ असोज । सोमबार नेपाली बजारमा सुनको मूल्य प्रतितोला २०० रुपैयाँले घटेको छ ।

यससँगै तोलामा ८८ हजार ९ सय रुपैयाँमा काराबोर भएको नेपाल सुनचाँदी व्यवसायी संघले जनाएको छ । गत हप्ताको शुक्रबार एकैदिन १४ सय रुपैयाँले घटेर ८९ हजार १०० रुपैयाँमा कारोबार भएको सुनको मूल्य आइतबार स्थिर रहँदै सोमबार थप तोलामा २०० रुपैयाँले घटेर ८८ हजार ९ सय रुपैयाँमा झरेको हो ।

महासंघका अनुसार चाँदीको मूल्य समेत सोमबार तोलामा १५ रुपैयाँले घट्दै एक हजार १३५ रुपैयाँ कायम भएको छ ।

गत आइतबार चाँदी एक हजार १५० रुपैयाँमा कारोबार भएको थियो ।

असोज लागेपछि निरन्तर सुनको मूल्यमा गिरावट आउन थालेको हो ।