दीपाले उमेर खुलाइनन्

काठमाडौं । लोकप्रिय हास्य अभिनेत्री तथा निर्देशक दीपाश्री निरौला सीमित आफन्त र साथीभाइलाई बोलाएर जन्मदिन मनाएकी छिन् ।

रिल लाइफका सहयात्री कलाकार, निर्देशक तथा निर्माता दीपकराज गिरीले दीपाश्रीको जन्मदिनमा बिहानै सामाजिक सञ्जालमार्फत शुभकामना ब्यक्त गरेका छन् । उनले दीपालाई शुभकामना दिँदै ३० वर्ष अगाडिको कुरा समेत खोलेका छन् ।

गिरीले सामाजिक सञ्जाल फेसबुकमा एक लामो स्टाटस पोष्ट गर्दै दीपासँगको ३० वर्ष अगाडिका कुरा खोलेका हुन् । उनले स्टाटसमा दीपाश्रीसँगको काम र संघर्ष उल्लेख कुरा समेत उल्लेख गर्दै उनी आफ्नो जीवनको सबैभन्दा माथिको साथी भएको बताएका छन् ।

गिरीले लेखेका छन्, ‘जसले जे भनोस् उनी संसार कै सबैभन्दा जाती छिन्, मेरो एउटा साथी छिन् । जो सबैभन्दा माथि छिन् ।’ दीपाले जन्मदिन मनाएपछि आफ्नो उमेर खुलाएकी छैनन् ।