काठमाडौं, ३० साउन । नेकपा माओवादी केन्द्रको राष्ट्रिय सम्मेलन पुसमा गर्ने प्रस्ताव पेश भएको छ ।
आज शनिबारदेखि शुरू भएको पार्टी केन्द्रीय कमिटी बैठकमा अध्यक्ष प्रचण्डले आगामी पुस ११, १२ र १३ गते राष्ट्रिय सम्मेलन गर्ने प्रस्ताव गरेका हुन् । अध्यक्ष प्रचण्डले पेश गरेको राजनीति तथा सांगठानिक प्रस्तावमा राष्ट्रिय सम्मेलनको मिति प्रस्ताव गरिएको हो ।
- सदस्यता नवीकरण/वितरण : भदौभर
- सेल र टोल समिति भेला : असोज १०
- वडा सम्मेलन देशैभर : असोज २०
- स्थानीय तह सम्मेलन : असोज ३०
- जिल्ला सम्मेलन : कात्तिक ३०
- प्रदेश सम्मेलन: मंसिर १५
- राष्ट्रिय सम्मेलन : पुस ११–१३
त्यसअघि असोज १० गतेदेखि पुस ११ गतेसम्म सबै तहका पार्टी कमिटीहरुको सम्मेलन सम्पन्न गर्ने कार्ययोजना पेश गरिएको छ । कार्यतालिका अनुसार असोज १० गते देशैभर एकैदिन सबै सेल कमिटी र टोल भेला गर्ने प्रस्ताव सांगठानिक कार्ययोजनामा गरिएको छ ।
त्यस्तै असोज २० गते वडा सम्मेलन गर्ने र २० गते एकै दिन गाउँपालिका र नगरपालिकाको सम्मेलन सम्पन्न हुने छ । कात्तिक ३० गते जिल्ला सम्मेलन, मंसिर १५ गते प्रदेश सम्मेलन र पुस ११ गतेदेखि १३ गतेसम्म राष्ट्रिय सम्मेलन गर्ने प्रस्ताव प्रचण्डको छ ।
यसैबीच उनले हाल निर्माण भएको केपी ओलीविरुद्धको गठनबन्धनलाई आगामी निर्वाचनसम्म लैजाने पनि बताएका छन् ।