लण्डन, २२ साउन । अर्जेन्टिनी फुटबल स्टार लियोनल मेसी फुटबल क्लब बार्सिलोनामा नबस्ने भएका छन् । बिहीबार क्लबले विज्ञप्ति जारी गर्दै मेसी बार्सिलोनामा नबस्ने जनाएको हो ।
क्लब र मेसीबीच नयाँ सम्झौतामा हस्ताक्षर गर्ने सहमति बने पनि खेलाडी दर्तासम्बन्धी स्पेनी ला लिगाको नियमका कारण मेसीले बार्सिलोनामा निरन्तरता दिन नसकेको विज्ञप्तिमा जनाइएको छ ।
खेलाडी र क्लबको इच्छा पूरा नभएकोमा दुवै पक्षलाई दुस्खी भएको पनि बार्सिलोनाले जनाएको छ । क्लबका लागि पुर्याएको योगदानका लागि मेसीलाई बार्सिलोनाले धन्यवाद दिँदै सुखद भविष्यको कामना गरेको छ ।
यसै महिनाको सुरुमा मेसी कुनै पनि अनुबन्धबाट स्वतन्त्र भएका थिए । बार्सिलोनासँग यसअघिको अनुबन्ध टुंगिएपछि अर्जेन्टिनी खेलाडी ‘फ्री ट्रान्सफर’ का लागि उपलब्ध भएका थिए ।
करिब २१ वर्ष बार्सिलोनामा रहेर मेसीले कीर्तिमान ६ सय ७२ गोल गरिसकेका छन् । १३ वर्षको उमेरमा बार्सिलोनामा आबद्ध भएका उनले ७७८ खेल खेलेका छन् ।
यसक्रममा १० ला लिगा, ४ युरोपेली च्याम्पियन्स लिग र ७ कोपा डेल रे उपाधि जितेका छन् । उनले कीर्तिमान छपल्ट बालोन डी’अर पनि जितिसकेका छन् ।
उनलाई बार्सिलोनाको इतिहासकै सर्वकालीन महान खेलाडी मानिन्छ । कोपामा अर्जेन्टिनाको जित र त्यसमा मेसीको उत्कृष्ट प्रदर्शनका कारण उनी फेरि एकपल्ट बालोन डी’अर उपाधिलाई बलियो प्रत्याशी भएका छन् ।
एमाले अध्यक्ष ओलीमाथि काँग्रेस सांसद गुरूङद्वारा आक्रमणको प्रयास
बस दुर्घटनामा घाइते १ जनाको मृत्यु, १२ जना घाइते
दिनभरका TOP 15 NEWS : गुण्डागर्दीको शैलीमा काँग्रेस, देउवामाथि पनि छानबिनको माग
डा. गोविन्द केसीको अनशन स्थगित
प्रधानमन्त्री प्रचण्डले ७ जेठमा चौथोपटक विश्वासको मत लिने
डलर स्थिर हुँदा बढ्यो युरो र पाउण्डको भाउ
आगामी दुई दिन गर्मी बढ्ने, सावधानी अपनाउन आग्रह
कोशीमा मन्त्रिपरिषद् विस्तार, पाँचजना मन्त्री र दुई राज्यमन्त्री थपिए
इन्टरपोलबाट रेड नोटिस जारी भएका दुई फरार युएईबाट पक्राउ
प्रधानमन्त्रीले काँग्रेस नेताहरूलाई छलफलका लागि बोलाए
सुदूरपश्चिम प्रदेश सभाको अधिवेशन अन्त्य
प्रतिनिधि सभाको बैठक आइतबारसम्मका लागि स्थगित
कांग्रेसले संसदमा असभ्य व्यवहार गर्यो : केपी ओली
राप्रपाले भन्यो- गृहमन्त्रीलाई बोल्नदिनुपर्छ, संसदीय छानबिन समिति गठन हुनुपर्छ
