बर्दिया, ११ असार । बर्दिया जिल्लामा नदीमा हामफालेर आत्महत्याको प्रयास गर्ने भारतीय महिलाको प्रहरीले उद्धार गरेको छ ।
बिहीबार साढे ४ बजे गुलरिया नगरपालिका–८ स्थित भादा नदीमा महिलाले हामफालेकी थिइन् ।
उद्दारका लागि खटिएको प्रहरी नायव निरीक्षक मणिराज भट्टको कमाण्डको टोलीले महिलालाई सकुशल उद्धार गरेको छ ।
उद्धार गरिएकी महिला भारतीय रहेको अनुसन्धानबाट खुलेको छ । बहराईच थाना मोतीपुर ग्राम बलैगाउँ बस्ने वर्ष ४० की जलदैया थारु भएको प्रहरीले जनाएको छ ।
भारतको जिल्ला बहराईच थाना मोतीपुर ग्राम पञ्चायतको गाउँ प्रधानसंग समन्वय गरी महिलाका श्रीमान मिश्रिराम थारुको जिम्मा लगाइएको छ ।











प्रतिक्रिया