काठमाडौं, २७ जेठ । फिफा विश्वकप २०२२ तथा एएफसी एशियन कप २०२३ को संयुक्त छनोटको दोस्रो चरणको अन्तिम खेलमा नेपालले अस्ट्रेलियाविरुद्ध युवा खेलाडी उतार्ने भएको छ ।
कुवेत सिटीमा भोलि शुक्रबार राति पौने १० बजेदेखि हुने अस्ट्रेलियासँगको खेलमा युवा खेलाडीलाई अवसर दिने रणनीति अनुसार यस्तो तयारी गरिएको नेपाली राष्ट्रिय फुटबल टीमका प्रशिक्षक अब्दुल्लाह अलमुताइरीले बताएका छन् ।
विश्वकप छनोटबाट बाहिरिसकेको नेपालको एशियन कपको तेस्रो चरणमा सिधा पुग्ने सम्भावना पनि लगभग सकिएको अवस्था छ । प्लेअफबाट एशियन कपको तेस्रो चरण पुग्न पर्ने अवस्थामा पुगेको नेपाली टीमका प्रशिक्षक अलमुताइरीले यसअघिका खेलमा मौका नपाएका युवा खेलाडीलाई अस्ट्रेलियाविरुद्धको खेलमा मौका दिने बताएका हुन् ।
अस्ट्रेलियाविरुद्धको खेल कठिन हुने भए पनि युवा खेलाडीलाई खेल्ने मौका दिनुपर्ने उनको भनाइ छ ।
यसैबीच यसअघि भएको खेलमा नेपाललाई जोर्डनले पराजित गरेको छ । सोमबार राति कुवेत सिटीमा भएको खेलमा नेपालले ३–० को हार बेहोरेको हो । यो हारको कारण जोर्डनका खेलाडीले खेलको २३औं मिनेटमा पेनाल्टीको अवसर पाउनु रहेको प्रशिक्षक अलमुताइरीको बुझाई छ ।
सोही पेनाल्टीपछि खेलमा सबै कुरा परिवर्तन भएको उनको भनाइ छ ।
बझाङमा एमाले र कांग्रेस नै मुख्य प्रतिस्पर्धी, माओवादी र एस मत सुरक्षित गर्ने रणनीतिमा
गोरखा भूकम्पको ९ वर्ष पूरा, जोखिम उस्तै
गोरखा भूकम्प : बारपाक सुलिकोटमा आज सार्वजनिक विदा
कतारी राजा थानी र प्रधानमन्त्री दाहालबीच भेटवार्ता हुँदै
सुनचाँदीको मूल्य बढ्यो, तोलाको कति पुग्यो ?
कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर
काभ्रेको भुम्लुमा सुमो दुर्घटना, १० घाइते
बक्सिङ टोली उज्वेकिस्तान प्रस्थान
यस्तो छ आजको विदेशी मुद्रा विनिमय दर
आईपीएल : गुजरात टाइटन्समाथि दिल्लीको रोमाञ्चक जित
यी ४ प्रदेशमा हल्का वर्षाको सम्भावना
पहिलो कम्युनिष्ट प्रधानमन्त्री मनमोहन अधिकारीको २५औँ स्मृति दिवस मनाइँदै
इजरायल–हमास युद्धको २०० दिन : गाजामा भोकमरी भयावह बन्दै
उपनिर्वाचनको मौन अवधि सुरु, के-के गर्न पाइँदैन ?
