नेप्सेमा नयाँ रेकर्ड कायम

काठमाडौँ, २३ जेठ । सेयर बजारमा नयाँ रेकर्ड कायम भएको छ ।

नेप्से परिसूचक हालसम्मकै उच्च विन्दुमा पुगेको छ भने कारोबार रकम पनि अहिलेसम्मकै धेरै भएको छ ।

नेपाल स्टक एक्सचेन्ज नेप्सेका अनुसार साताको पहिलो कारोबार दिन आइतबार नेप्से परिसूचक ५०.१३ अंकले बढेर २९०६.८९ हालसम्मकै उच्च विन्दुमा पुगेको हो ।

त्यस्तै, आइतबार ठूला ‘क’ वर्गका कम्पनीहरुको सेन्सेटिभ इन्डेक्स समेत ७.८३ अंकले बढेर ५२०.९९ विन्दुमा पुगेको छ ।

आज कुल २१८ कम्पनीका ३ करोड ७४ लाख ५५ हजार १८९ कित्ता सेयर १ लाख ७१ ह्जार ६० पटक किनबेच भएको छ । जसका कारण १७ अर्ब २७ करोड १७ लाख ८७ हजार ५२५ रुपैयाँको कारोबार भएको छ ।