सरकारले चीनबाट ल्यायो अक्सिजनको ४ सय सिलिण्डर

काठमाडौँ, २८ वैशाख । सरकारले चीनबाट ४ सय वटा अक्सिजन सिलिन्डर ल्याएको छ ।

मंगलबार नेपाल एयरलाइन्सको जहाजबाट बेइजिङबाट सिलिन्डर नेपाल ल्याइएको हो ।

कोरोना संक्रमणका कारण अक्सिजनको अभाव भएपछि सरकारले सिलिण्डर ल्याएको हो ।

त्यस्तै चीनबाट १६० वटा अक्सिजन कसन्टेटर, १० थान भेन्टिलेटर समेत ल्याइएको छ ।

सरकारको २० हजार अक्सिजन सिलिण्डर चीनको अनुदानमा ल्याउने जनाएको छ ।

२० हजार सिलिन्डरमध्ये २ हजार विमानबाट र बाँकी सडक मार्ग हुँदै नेपाल लाइनेछ ।