काठमाडौँ, ६ वैशाख । नेपालले मलेसियाविरुद्ध सानदार जीत हासिल गरेको छ ।
कुशल भुर्तेलले लगातार दोस्रो अर्धशतक बनाउँदा नेपालले विजय प्राप्त गरेको हो ।
त्रिदेशीय टी–२० सिरिजमा ९ विकेटले मलेसियाविरुद्ध लगातार दोस्रो जित हात पारेको हो ।
सोमबार त्रिवि क्रिकेट मैदानमा मलेसियाले दिएको ११० रनको लक्ष्य नेपालले मात्र नेपालले १२.१ ओभरमा १ विकेट गुमाएर भेट्टायो । नेपालको ओपनिङ जोडी कुशल भुर्तेल र आसिफ शेखले राम्रो सुरुवात दिलाए । दुवैले १०२ रनको साझेदारी गरे ।
त्यसक्रममा कुशलले अर्धशतक बनाए । उनको लगातार दोस्रो अर्धशतक हो । उनले टी–२० अन्तर्राष्ट्रियको डेब्यू खेलमै नेदरल्याण्ड्सविरुद्ध ६२ रन बनाएका थिए ।
आसिफले विरनदिप सिंहको बलमा क्याचआउट हुनुअघि २९ बल खेल्दै ४ चौका र एक छक्का मद्दतमा ४२ रन जोडे । ४१ बलको सामना गरेका कुशल तीन चौका र पाँच छक्कासहित ६१ रनमा अविजित रहे भने दीपेन्द्र सिंह ऐरी ६ रनमा नटआउट रहे ।
त्यसअघि टस हारेर ब्याटिङको निम्तो पाएको मलेसियाले १६.५ ओभरमा सबै विकेट गुमाएर १०९ रन बनाएको थियो ।
नेपालका लागि करण केसीले ३ ओभरमा १७ रन खर्चेर ३ विकेट लिए । सन्दीप लामिछाने ३.५ ओभरमा २५ रन खर्चेर २ विकेट लिए भने सोमपाल कामी, दिपेन्द्र सिंह ऐरी, शाहब आलम र कुशल मल्लको नामा एकएक विकेट रह्यो ।
नेपालले अर्को खेल मंगलबार नेदरलयाण्ड्ससँग दोस्रो खेल खेल्नेछ ।