काठमाडाैं, २९ चैत । नेकपा माओवादी केन्द्रका अध्यक्ष पुष्पकमल दाहालले माधवकुमार नेपालसँग गहिरो ‘लभ’ परिरहेका बेला सर्वोच्च अदालतले ‘डिभोर्स’ गरिदिएको गुनासो गरेका छन्। दाहालले शनिबार आयोजित एक कार्यक्रममा नेपाल र आफूबीचको सम्बन्धलाई अदालतले छुटाइदिएपछि आआफ्नो घर फर्कनुपरेको गुनासो गरेका हुन्।
‘अदालतले पति–पत्नीलाई डिभोर्स गरेझैं हामीलाई पनि आ–आफ्नो घरमा फर्काइदियो। त्यसैले मैले सेटिङ भयो भनेको हुँ,’ दाहालले भने, ‘हाम्रो त लभ परिराख्या थियो। माघ २८ को सभामा म कसरी बोलेको थिएँ, माधवजी कसरी बोल्नुभयो, झलनाथजी कसरी बोल्नुभयो। लभ नपरेको भए त्यसरी बोलिन्नथ्यो र। लभ परेकालाई अदालतले जबर्जस्ती डिभोर्स गरिदिन पाइन्छ ? यसरी डिभोर्स गरिदिनु त प्राकृतिक रूपले पनि अन्याय भयो।
दाहालले तत्कालीन नेकपामा हुँदा आफूलाई एमालेका नेता–कार्यकर्ताले पार्टीमा नयाँ मदन भण्डारी भेटियो भन्ने गरेको दाबीसमेत गरे। नेता–कार्यकर्ताले आफूप्रति ठूलो विश्वास गरेपछि केपी ओलीले प्रतिगामीसँग मिलेर आफूविरुद्ध षड्यन्त्र गरेको दाहालले बताए। ‘ओली प्रवृत्ति’ विरुद्ध लड्न थालेपछि उनले प्रतिक्रान्तिकारीहरूसँग मिलेर षड्यन्त्र गरेको दाहालको आरोप थियो।
‘कार्यकर्ताले कमरेड, तपाईंले पार्टी चलाएको देखियो, अर्को मदन भण्डारी भेटियो भन्न थाले। पार्टीमा हाम्रो कमान्ड देखेपछि ओली अत्तालिए अनि जालझेल सुरु गरे,’ दाहालले भने। उनले ओली नेतृत्वको सरकारलाई ढाल्न कांंग्रेसले तत्परता देखाएको र जसपाका नेताले पनि पार्टीमा छलफल गर्छौं भनेकाले केही दिनमै नयाँ सरकार गठन हुने दाबी गरे।
दाहालले विभिन्न पार्टीसँग मोर्चा बनाएर ओलीलाई आगामी निर्वाचनमा चौथो नम्बरमा पु¥याउने दाबी पनि गरे। ‘एमालेको एउटा पक्षसँग हाम्रो मोर्चा छँदैछ। हाम्रो पुरानो लभ छँदैछ। जसपासँग हाम्रो वेभलेन्थ मिल्ने भएकाले मोर्चा बन्न सक्छ। कांग्रेससँग कम्तीमा सरकार गठनमा सहकार्य र चुनावी तालमेल हुन सक्छ। अनि ओली चौथा हुन्छन् र विघटनतर्फ जान्छन्,’ दाहालले भने, ‘अहिले मोहन विक्रमसँग, वैद्यजीसँग पनि एकताको सपना देख्नु त एउटा कुरा हो तर भइहाल्छ भनेर धेरै लोभ गर्ने र धेरै आस गर्न पनि हुँदैन। तर मोर्चाचाहिँ बन्छ।’ दाहालले आउँदो चुनावमा मोर्चा बन्यो भने नेपाल पत्रकार महासंघको चुनावमा जस्तै ओलीलाई चौथो नम्बरमा पुर्याइने बताए। नागरिक दैनिकले खबर छापेकाे छ ।
कांग्रेसभित्रको विवाद नमिलेपछि उम्मेदवार डम्बर खड्का तनावमा
बैंकिङ कसुरमा फरार करुणा शाही पक्राउ
कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर
फेवातालमा डुंगा दुर्घटना, ५ जनाको सकुशल उद्धार
स्वदेश फर्किए कतारका अमिर थानी
कतारका अमिर अल थानी र प्रधानमन्त्री दाहालबीच भेटवार्ता सम्पन्न
‘मैले सुहाङसँग सुटुक्क सोधेँ- कति भोटले जित्नुहुन्छ ?’
वेस्ट इन्डिज ‘ए’ विरुद्ध खेल्ने नेपाली टीमको घोषणा
वर्ल्ड ट्रायथलन अध्यक्ष मारिसोल कासाडो काठमाडौंमा
दलीय राजनीति गर्ने शिक्षकहरुप्रति मन्त्रालय एक्सनमा, मगाइयो विवरण
घट्यो सुनचाँदीको मूल्य
बसको ठक्करबाट तीर्थयात्रीको मृत्यु
मनमोहन अधिकारी कम्युनिष्ट आन्दोलनका सादगी नेता : वरिष्ठ उपाध्यक्ष पोखरेल
मनमोहन अधिकारी ज्येष्ठ नागरिक र ग्रामीण भेगका जनताका मित्र : पूर्वराष्ट्रपति भण्डारी
