ताइवान, २० चैत । ताइवानमा रेल दुर्घटना हुँदा ३६ जनाको ज्यान गएको छ भने ७२ जना भन्दा बढी घाइते भएका छन् ।
ताइवानको ह्वालियन सहरको सुुरङभित्र रेलले ट्रकलाई ठक्कर दिँदा दुर्घटना भएको हो । ट्रकमा ठोक्किएको रेल लिगबाट चिप्लिएर सडकमा पुगेको बीबीसीले उल्लेख गरेको छ ।
दुर्घटनापछि ताइवानकी राष्ट्रपति साइ इंग–वेनले घाइतेको उपचार तथा उद्धारका लागि आपतकालीन व्यवस्था लागू गरिएको जानकारी गराएका छन् । ताइवानको यातायात मन्त्रालयले दुर्घटनालाई पछिल्लो चार दशकयताकै भयानक दुर्घटना भनेको छ ।
यसअघि ताइवानमा सन् २०१८ मा रेल दुर्घटना हुँदा १८ जनाको ज्यान गएको थियो भने १७५ जना घाइते भएका थिए ।
प्रतिक्रिया
सम्बन्धित
सिफारिस