५ मंसिर २०८३, शनिबार

सर्लाहीमा सुशीलकुमारको हत्या गर्ने दुई जना पक्राउ

112
Shares

फन्ट परिवर्तन गर्नुहोस:

  • change font
  • change font
  • change font

मलंगवा, १९ चैत । सर्लाहीको मलंगवामा सुशीलकुमार यादवको हत्यामा संलग्न दुई जनालाई प्रहरीले पक्राउ गरेको छ ।

बिहीबार बिहान साढे ८ बजे टाउको नै काटिएको अवस्थामा मलंगवा नगरपालिका–९ पचगछिया चौरीस्थित नागेश्वर रायको खेतमा शव फेला परेको थियो ।

यादवको जिउ भेटिएको स्थानभन्दा करिब ६० मिटर टाढा दक्षिणमा टाउको पनि भेटिएको थियो ।

प्रहरीले मलंगवा– १० कै ४५ वर्षीय विमलकान्त पाठक र भारत बिहारस्थित सीतामढीका ४१ वर्षीय अशोक झालाई पक्राउ गरेको छ । अशोक झा विमलकान्तका भान्जा हुन् ।

जिल्ला प्रहरी कार्यालयका प्रहरी नायब उपरीक्षक मदन कुँवरले सुशीलकुमार यादवको बुधबार राति ११ बजे हत्या भएको बताएका छन ।

बुधबार राति ८ बजे विमलकान्त र भान्जा अशोक झा मलंगवा–१० को जिविस चोकस्थित कुन्दन यादवको शिवम होटलमा गएका थिए ।

विमलकान्त र अशोकले सुशीललाई लागुऔषध खुवाएर लठ्याएर पूर्वयोजना अनुसार हत्या गरेको डीएसपी कुँवरले बताए ।

‘सुशीलले ६ महिनाअघि विमलकान्तको घरमा चोरी गरेको रहेछ । हत्या गरेको केही दिनअघिमात्रै पनि चोरी गरेको थियो । त्यही कुरामा उनीहरूबीच पटकपटक झगडा हुने गर्थ्यो । त्यसैले मार्ने योजना बनाएका रहेछन्’, कुँवरले भने ।