प्रतिनिधिसभाको बैठक सकियो, चैत १० गते बस्ने

काठमाडौँ, ६ चैत । प्रतिनिधिसभाको बैठक चैत १० गतेसम्मका लागि स्थगित भएको छ ।

आजको बैठकमा विभिन्न राजनीतिक दलका नेताहरुले सम्बोधन गरेका थिए ।

शुक्रबार बैठकमा नेकपा एमालेका प्रवक्ता एवम् परराष्ट्रमन्त्री प्रदीप ज्ञवाली, नेपाली काँग्रेसका प्रमुख सचेतक बालकृष्ण खाँण, माओवादी केन्द्रकी सांसद पम्फा भुसाल, राजपाका सांसद राजकिशोर यादव, जनमोर्चाकी दुर्गा पौडेल र नेपाल मजदुर किसान पार्टीका सांसद प्रेम सुवालले सम्बोधन गरेका थिए ।

सभामुख अग्निप्रसाद सापकोटाले अनुपस्थित सांसदहरुको सूचना प्रस्तुत गरेका थिए । त्यसैगरी कानुनमन्त्री लिलानाथ श्रेष्ठले लोकसेवा आयोगको ६१ औँ वार्षिक प्रतिवेदन पेश गरेका थिए । यस्तै काँग्रेसका नेता एवम् पूर्व सांसद अशोक कोइरालाको ७१ वर्षको उमेरमा भएको निधनप्रति शोकप्रस्ताव पारित गरिएको छ ।