काठमाडौँ, ४ चैत । नबिल बैंकले सँगै अघि बढ्ने आफ्नो उद्देश्यअनुरुप सम्भव भएसम्म धेरैलाई ढुक्क पार्ने प्रयास गर्दै समाजप्रति उत्तरदायी हुन चाहन्छ ।
तसर्थ, सकेसम्म धेरै नेपालीहरूको मुहारमा मुस्कान ल्याउनु मुलुुकको विश्वासिलो बैंक, नबिल बैंकले व्यक्तिगत मुद्दती खातामा अत्यन्त आकर्षक योजना सुरू गरेको छ ।
नेपालीहरूको मिहिनेतले कमाएको रकम राखिने व्यक्तिगत मुद्दती खाताहरूमा उच्च ब्याज दर प्रदान गर्ने हुनाले यस योजनाले आर्थिक कठिनाइ कम गर्न मद्दत पुर्याउनेछ भन्ने बैंकले आशा गरेको छ ।
नबिल बैंकले आफ्नो व्यक्तिगत मुद्दति खाताको ब्याजदरलाई बढाएर ७.५१% प्रकाशित गरेको छ, जुन ६ महिना भन्दा माथिको व्यक्तिगत मुद्दति खाताहरुमा लागू हुनेछ ।
यस ब्याजदरका साथ नबिल बैंकले व्यक्तिगत मुद्दति खातामा सर्वाधिक र प्रतिस्पर्धात्मक ब्याजदर प्रदान गर्ने क्रमलाई निरन्तरता दिएको छ ।
सन् १९८४ देखि समायानुकूल सेवा प्रदान गर्दै आएको नबिल बैंकका ११९ शाखा, १८५ एटिएम र १५०० भन्दा बढी नबिल रेमिट एजेन्टहरु रहेको तथा यस बैंकले नेपाली बैंकिङ्ग क्षेत्रमा नवीनतम् सेवाको शुरुवात गर्न अग्रणी भूमिका खेल्नुका साथै नेपालको बैंकिङ्ग विकासको ईतिहासमा कोसेढुङ्गाको रुपमा रहेको छ । नबिल बैंक ग्राहकवर्गको उच्च सन्तुष्टी एवम आधुनिक बैंकिङ्ग युगको शुरुवात गर्नेतर्फ केन्द्रित रहेको छ ।
नबिल बैंकले ग्राहकवर्ग एउटा परिवार जस्तै गरी सँगै अघि बढ्नेमा विश्वास गरेको छ ।
प्रतिक्रिया