जसपाको संसदीय दलको बैठक बस्दै, महतो नेता बन्ने सम्भावना

काठमाडौं, २८ फागुन । जनता समाजवादी पार्टी नेपाल (जसपा)को संसदीय दलको बैठक आज बस्दैछ ।

सिंहदरबारस्थित संसदीय दलको कार्यालयमा दिउँसो १ बजे बैठक बस्नेत । बैठकले संसदीय दलको नेता चयन गर्ने सम्भावना छ ।

राष्ट्रिय जनता पार्टी र समाजवादी पार्टीबीच एकीकरण भइ जसपा बनेको थियो । एकीकरणपछि पार्टीको संसदीय दलको नेता अझैसम्म चयन भएको छैन ।

जसपामा एकीकरणपूर्वकै संसदीय दलका नेता छन् । एकीकरणपूर्व राजपामा महन्थ ठाकुर र संघीय समाजवादी फोरममा उपेन्द्र यादव संसदीय दलको नेता थिए ।

एकीकरणको समयमा राजेन्द्र महतोलाई पार्टीको संसदीय दलको नेता चयन गर्ने सहमति भएको थियो । सोही सहमति कार्यान्वयन भइ महतो संसदीय दलको नेता बन्ने अपेक्षा गरिएको छ ।