काठमाडौं, १७ फागुन । एचआर सोलुशन प्रालिका सञ्चालक गुरुदत्त पौडेल वैदेशिक रोजगारको ठगी मुद्दामा पक्राउ परेका छन् ।
वैदेशिक रोजगार न्यायाधीकरणले २०६८ माघ १७ गते १ वर्ष ६ महिना कैद र २५ हजार रुपैयाँ नगद जरीवाना तोकेपछि फरार रहेका पौडेललाई आइतबार केन्द्रीय अनुसन्धान ब्युरोको प्रहरी टोलीले बागबजारबाट पक्राउ गरेको हो ।
काठमाडौंमा लुकेर बसेका देवचुली नगरपालिका–१३ का ४८ वर्षीय पौडेललाई पक्राउपछि फैसला कार्यान्वयनका लागि काठमाडौं जिल्ला अदालतमा पेश गरिएको ब्युरोले जानकारी दिएको छ ।
पौडेलले सिंगापुरमा आकर्षक रोजगारीको प्रलोभन देखाई उजुरीकर्तासँग ४ लाख ५० हजार रुपैयाँ लिएको बताइएको छ । सोही आधारमा उनलाई वैदेशिक रोजगार ऐन, २०४२ को दफा २४ को उपदफा ५ बमोजिम उल्लेखित सजाय तोकिएको थियो ।
प्रतिक्रिया
सम्बन्धित
सिफारिस