आजदेखि प्रि–मौसम शुरु

काठमाडौं, १७ फागुन । मौसम पूर्वानुमान महाशाखाले आजदेखि प्रि–मौसम शुरु भएको जानकारी दिएको छ ।

महाशाखाले सोमबार जारी गरेको सूचनाका अनुसार आजदेखि जाडोयाम सकिएर प्रि मनसुन सुरु भएको हो ।

महाशाखाले यो सिजनमा अपरान्ह र साँझतिर मेघगर्जन, चट्याङ्ग, हावाहुरी र असिना पानी पर्न सक्ने सम्भावना रहेको जनाएको छ ।

यस्तो मौसममा मेघगर्जन, चट्याङ्ग, हावाहुरी र असिना पानीबाट हुने सक्ने क्षतिबाट जोगिन आवश्यक सतर्कता अपनाउन महाशाखाले अनुरोध समेत गरेको छ ।