काठमाडौं, १५ फागुन । मष्तिष्कघात भएपछि थापाथलीस्थित नर्भिक अस्पतालमा उपचाररत नेपाली कांग्रेसका नेता नवीन्द्रराज जोशीको अवस्था स्थिर रहेको छ ।
जोशीको अवस्था स्थिर रहेको अस्पतालले जनाएको छ । अस्पतालका अनुसार जोशीको शरीरको बायाँ पाटो पूरै पक्षघात भएको छ । दायाँतर्फको हातखुट्टा भने आज शनिबार बिहानदेखि आंशिक रुपमा चल्न थालेको पनि अस्पतालले जनाएको छ ।
यसअघि शुक्रबार जोशीको मष्तिष्कबाट रगत निकालिएको थियो ।
बिहीबार राति १२ बजे स्वास्थ्यमा समस्या देखिएपछि उनलाई शुरूमा वीर अस्पताल लगिएको थियो । ब्रेनह्यामरेज भएको पुष्टि भएपछि त्यहाँ माइनर शल्यक्रियापछि उनलाई शुक्रबार बिहान नर्भिक अस्पताल पुर्याइएको हो ।
प्रतिक्रिया
सम्बन्धित
सिफारिस