शुक्रबार थप ९७ जनामा कोरोना भाइरसको संक्रमण पुष्टि, ११४ जना डिस्चार्ज, ३ जनाको मृत्यु

काठमाडौं, ७ फागुन । नेपालमा पछिल्लो २४ घण्टामा कोरोना भाइरसका ९७ जना नयाँ संक्रमित थप भएका छन् ।

बितेको २४ घण्टामा देशभर २ हजार ९३१ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ७३ हजार २६३ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११४ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण निको हुनेको संख्या २ लाख ६९ हजार ६१९ जना पुगेको छ ।

यस्तै पछिल्लो २४ घण्टामा देशभर ३ जना कोरोना संक्रमितको मृत्यु भएको छ । योसँगै हालसम्म नेपालमा कोरोना भाइरसको संक्रमणबाट मृत्यु हुनेको संख्या २ हजार ६१ जना पुगेको छ ।

हाल देशभर सक्रिय संक्रमितको संख्या १ हजार ५८३ छ ।

मन्त्रालयका अनुसार हालसम्म नेपालमा २१ लाख ३४ हजार २६१ जनाको पीसीआर विधिबाट स्वाब परीक्षण गरिएको छ भने अहिले १ हजार ५८३ जना आइसोलेसन र ६८ जना क्वारेन्टिनमा छन् ।