काठमाडौं, २६ माघ । साताको शुरुवाती दिन हिजो आइतबार प्रतितोला ६०० रुपैयाँले बढेको सुनको मूल्य दोस्रो दिन आज सोमबार २०० रुपैयाँले घटेको छ ।
प्रतितोला २०० रुपैयाँ घटेसँगै आज छापावाला सुन तोलाको ९० हजार ४०० रुपैयाँमा कारोवार भएको छ । छापावाला सुन आइतबार तोलामा ९० हजार ६०० रुपैयाँमा कारोवार भएको थियो ।
नेपाल सुनचाँदी व्यवसायी महासंघका अनुसार आज तेजाबी सुनको मूल्य प्रतितोला ८९ हजार ९५० रुपैयाँमा कारोबार भइरहेको छ ।
त्यस्तै चाँदी तोलामा ५ रुपैयाँले बढेर प्रतितोला १ हजार ३१५ रुपैयाँमा कारोबार भइरहेको छ ।
प्रतिक्रिया
सम्बन्धित
सिफारिस