सोमबार १५९ जनामा कोरोना, २६४ जना निको, घट्दै सक्रिय संक्रमित

काठमाडौँ, १९ माघ । नेपालमा पछिल्लो २४ घण्टामा थप १ सय ५९ जनामा कोरोनाभाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले करिब ४ हजारको परीक्षण गर्दा गत २४ घण्टामा थप १ सय ५९ जनामा कोरोना पुष्टि भएको जनाएको छ ।

यससँगै कुल संक्रमितको संख्या २ लाख ७१ हजार १ सय १८ जना पुगेको मन्त्रालयले जनाएको छ ।

पछिल्लो २४ घण्टामा थप २ सय ६४ जना कोरोनामुक्त भएका छन् । योसहित निको हुनेको संख्या २ लाख ६६ हजार ६ सय पुगेको छ ।
देशभर सक्रिय संक्रमितको संख्या २ हजार ४ सय ९८ जना पुगेको छ ।

हालसम्म मृत्यु हुनेको संख्या २ हजार २९ जना पुगेको मन्त्रालयले जनाएको छ ।

हालसम्म नेपालमा २० लाख ७५ हजार १ सय ५२ जनाको पीसीआर परीक्षण भइसकेको छ ।