काठमाडौं, १८ माघ । सिंगटी हाइड्रो इनर्जी लिमिटेडको साधारण शेयर (आईपीओ)मा आवेदन दिने म्याद थप गरिएको छ ।
माघ ४ गतेबाट आयोजना प्रभावित स्थानीय बासिन्दाका लागि निष्काशन तथा बिक्री खुला गरेको प्राथमिक शेयर (आईपीओ)मा पर्याप्त आवेदन नपरेपछि थप १५ दिन म्याद थप गरिएको विक्री प्रबन्धक मेगा क्यापिटलले बताएको छ ।
थपिएको समयअनुसार सो आईपीओमा अब फागुन ३ गतेसम्म आवेदन दिन सकिनेछ ।
कम्पनीले उद्योग प्रभावित क्षेत्र दोलखा जिल्लाको अति प्रभावित क्षेत्र बिगु र कालिन्चोक गाउँपालिकाका बासिन्दाहरुका लागि एक सय रुपैयाँ अंकित दरमा १४ करोड ५० लाख रुपैयाँ बराबरको १४ लाख ५० हजार कित्ता आईपीओ बिक्री खुला गरेको हो ।
आर्इपीओमा स्थानीय बासिन्दाले न्यूनतम १० कित्तादेखि २ लाख कित्तासम्मको लागि आवेदन दिन सक्नेछन् ।
कम्पनीको शेयरमा गत शुक्रबारसम्म ५ करोड रुपैयाँभन्दा केही बढीको मात्रै आवेदन परेको छ । मेगा क्यापिटलका अनुसार ३ हजार १५६ जना आवेदकले उक्त रकम बराबरको शेयर माग गरेका हुन् ।
हेर्नुहोस् सूचना–