लण्डन, १४ माघ । कोपा इटालियाअन्तर्गतको फुटबल खेलमा इन्टर मिलान विजयी भएको छ ।
मंगलबार राति मिलान डर्बीमा इन्टर मिलानले एसी मिलानलाई २–१ ले पराजित गरेको हो ।
३१ औँ मिनेटमा जाल्टन इब्राहिमोविचले गोल गरि एसी मिलानलाई सुरुवाति अग्रता दिलाए । पहिलो हाफको अन्त्यमा इब्राहिमोविच र इन्टर मिलानका रामेलु लुकाकुबिच विवाद भयो ।
दोस्रो हाफको १३ औँ मिनेटमा फउलका लागि इब्राहिमोविचले दोहोरो पहेँलो कार्ड पाए । ७१ औँ मिनेटमा पाएको पेनाल्टीमा लुकाकुले इन्टर मिलानका लागि बराबरी गोल गरे ।
इन्जुरी समयको सातौँ अर्थात ९७ औँ मिनेटमा क्रिष्टियन एरिक्सनले गोल गरेर इन्टर मिलानलाई जित दिलाएका हुन् ।
प्रतिक्रिया
सम्बन्धित
सिफारिस