काठमाडौं, १३ माघ । आज सुनको मूल्य तोलामा ४०० रुपैयाँले वृद्धि भएको छ ।
छापावाला सुनको मूल्य तोलामा ४०० रुपैयाँले वृद्धि भएर ९२ हजार ८०० रुपैयाँ पुगेको छ । छापावाल सुन सोमबार तोलामा ९२ हजार ४०० रुपैयाँमा कारोबार भएको थियो । यस्तै तेजाबी सुनको मूल्य आज मंगलबार प्रतोला ९२ हजार ३०० रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ ।
चाँदीको मूल्य भने तोलामा ५ रुपैयाँले घटेको छ । तोलामा १ हजार २६० रुपैयाँमा सोमबार कारोबार भएको चाँदी आज भने १ हजार २५५ रुपैयाँ मूल्य निर्धारण गरिएको छ ।
प्रतिक्रिया
सम्बन्धित
सिफारिस