न्युयोर्क, ८ माघ । अमेरिकी राष्ट्रपति जो बाइडेनले डोनाल्ड ट्रम्प प्रशासनका केही महत्वपूर्ण नीतिलाई उल्ट्याएर काम शुरु गरेका छन् ।
शपथ ग्रहण गरेको केही घण्टापछि नै बाइडेनले १५ वटा कार्यकारी आदेशमा हस्ताक्षर गरेर कामको थालनी गरेका हुन् ।
गम्भीर चुनौतिहरु रहेकाले खेर फाल्ने समय नरहेको राष्ट्रपति बाइडेनले बताएका छन् । उनले शपथपछिको सम्बोधनमा आफू सबै अमेरिकीका लागि काम गर्ने र सबैको राष्ट्रपति बन्ने बताए । उनले फरक मतहरुलाई राखेर एकअर्कालाई सुन्ने तथा मिलेर काम गर्नु पर्ने बताए ।
राष्ट्रपति बाइडेनले कोरोना भाइरसको महामारी नियन्त्रणका लागि राष्ट्रिय प्रयासलाई लिएर कार्यकारी आदेश जारी गरेका हुन् ।
यस्तै विश्व स्वास्थ्य संगठनमा अमेरिकालाई पुनः फर्काउने, पेरिस जलवायु सम्झौतामा पुनः सामेल हुने, आप्रवासी नीति सम्बन्धी कार्यकारी आदेशमा बाइडेनले पहिलो दिनमा हस्ताक्षर गरेका छन् ।
मुस्लिम देशमाथि ट्रम्प प्रशासनले लगाएको यात्रा प्रतिबन्ध हटाउने, मेक्सिकोसँगको सीमा क्षेत्रमा निर्माण भइरहेको पर्खाल निर्माण रोक्नेसहितका आदेशमा बाइडेनले हस्ताक्षर गरेका हुन् ।
स्थानीय समय अनुसार बुधबार मध्याहन्नदेखि बाइडेन अमेरिकाको ४६ औँ राष्ट्रपति बनेका हुन् । त्यसअघि बाइडेनले राष्ट्रपति तथा कमला ह्यारिसले उपराष्ट्रपतिको शपथ लिएका थिए । ह्यारिस अमेरिकाको इतिहासमा उपराष्ट्रपति बन्ने पहिलो महिला, पहिलो अश्वेत महिला हुन् ।
समारोहमा ट्रम्प सहभागी भएनन् । तर उनले बाइडेनका लागि नोट छोडेको ह्वाइट हाउस प्रवक्ता जेन साकीले बताएकी छन् । सो नोटमा रहेको विवरण भने सार्वजनिक गरिएको छैन ।
बाइडेनले जारी गरेको कार्यकारी आदेशमा संघीय सरकारका भवन तथा कार्यालयहरुमा मास्क लगाउन अनिर्वाय गरिएको छ । यस्तै उनले १०० दिनका लागि मास्क च्यालेन्जको घोषणा गरेका छन् ।
जलवायु परिवर्तनलाई लिएर सन् २०१५ को पेरिस सम्झौतामा सामेल हुने घोषणासँगै बाइडेनले विवादास्पदकिस्टोन एक्सएल पाइपलाइन रद्द गर्ने आदेश पनि दिएका छन् ।
यसैबिच माथिल्लो सदन सिनेटले नेशनल इन्टेलिजेन्स प्रमुखका लागि बाइडेनले प्रस्तावित गरेकी एभ्रिल हाइनेसको नाम अनुमोदन गरेको छ । उनी एजेन्सीको नेतृत्व गर्ने पहिलो महिला बनेकी छन् ।
सुनको मूल्य घट्यो, तोलाको कति पुग्यो ?
‘पूर्ण बहादुरको सारङ्गी’मा मुकुन अनुबन्धित
अशोक राई नेतृत्वको जसपाले पत्रकार सम्मेलन गर्दै
निर्मल लामा असल राजनीतिज्ञ हुनुहुन्थ्यो : प्रधानमन्त्री
दुर्गा प्रसाईं निकट युवाद्वारा दुईवटा बैंकमा तोडफोड
गण्डकी सरकारविरुद्धको रिट न्यायाधीश मनोजकुमार शर्माको एकल इजलासमा
कांग्रेस संसदीय दलको बैठक स्थगित
‘लाज शरणम्’को रिलिज मिति तय
आमाबाबु बन्दै जस्टिन र हेली
जसपा फुटले मधेश सरकार संकटमा
बागमती प्रदेशस्तरीय युवा सम्मेलन आजदेखि
शाहरुखले बाथरुममा बनाएका थिए ‘ओम शान्ति ओम’को प्रमोशन योजना
आईपीएलमा आज गुजरात र चेन्नई भिड्दै
रामेछापको चार हजार पाँच सय हेक्टर वन सखाप
