काठमाडौँ, ७ माघ । पोखरामा थप २ जना कोरोना संक्रमित महिलाको मृत्यु भएको छ ।
पोखरा स्वास्थ्य विज्ञान प्रतिष्ठानमा उपचारका क्रममा ति २ जना महिला संक्रमितको मृत्यु भएको हो । मृत्यु हुनेमा पोखरा महानगरपालिकाको वडा नं २९ की ३५ वर्षीय महिला र स्याङ्जाकी ७० वर्षीय महिला रहेका छन् ।
कोभिड निमोनिया र हेपाटाइटिसको समस्या देखिएको पोखराकी ३५ वर्षीय महिलामा पुष २९ गते कोरोना संक्रमण पुष्टि भएको अस्पतालले जनाएको छ ।
त्यस्तै, स्याङ्जाको बिरुवा गाँउपालिका वडा नं ५ की ७० वर्षीय महिलामा मंगलबार मात्र कोरोना देखिएको थियो । उनको कोभिड निमोनियाका कारण मृत्यु भएको हो । गण्डकी प्रदेशमा कोरोना संक्रमणबाट २०२ जनाको मृत्यु भएको छ ।
प्रतिक्रिया
सम्बन्धित
सिफारिस