कपिलवस्तु, ६ माघ । कपिलवस्तुको शिवराज नगरपालिका १ शिवपुर रेन्जरपोष्टमा खानेपानी ओभरहेड ट्यांकीको शिलन्यास भएको छ ।
शिवराज नगरपालिका प्रमुख नेत्रराज अधिकारीले मंगलबार ट्यांकीको शिलन्यास गरेका हुन् ।
लुम्बिनी प्रदेश भौतिक पूर्वाधार विकास मन्त्रालय खानेपानी सरसफाई डिभिजन कार्यालय बुटवल अन्तर्गत शिवपुरमा ४५० घन मिटरको क्षमता भएको ओभर हेड ट्यांकी निर्माण हुन लागेको हो ।
शिवपुर खानेपानी तथा सरसफाई उपभोक्ता समिती शिवपुरको आयोजनामा भएको शिलन्यास कार्यक्रममा नगर प्रमुख अधिकारीले हरेक नागरिकको घरघरमा स्वच्छ खानेपानी पुराउने सरकारको दायित्व रहेकोले शिवपुर गाउँको लागी प्रदेश सरकारको तर्फबाट निर्माण हुन लागेको बताए ।
स्वास्थ्य समाज निर्माणका लागि पानी शुद्ध हुनुपर्ने, पानी कै विभिन्न रोगहरु लाग्ने हुदाँ ओभरहेड निर्माण पछि धारामा आउने पानी सिधै पिउने लायक हुने लुम्बिनी प्रदेश सभा सदस्य अर्जुन कुमार के.सी.ले बताए ।
आयोजना निर्माण सम्ममा स्थानिय बासीले हरेक तबरबाट उपभोक्ता समितिलाई सहयोग पुराउनु पर्ने पनि उनले बताए । शिवराज नगरपालिकामा मात्रै ४ वटा खानेपानीका योजनाहरु प्रदेशबाट परेकोले अब नगरका सबै नागरिकले शुद्ध पिउने पानी पाउने उनले विश्वास व्यक्त गरे ।
ओभर हेड निर्माण सगै अब पाइप लाइन विस्तारको काम हुने भएकोले पाइपलाईन विस्तारमा स्थानिय उपभोक्ताको सहयोग अपरिहार्य हुने उपभोक्ता समितिका अध्यक्ष ढुण्डिराज अधिकारीले बताए ।
आयोजनाको काम चुस्त दुरुस्त हुनेमा अधिकारीले ढृढता व्यक्त गर्नु भयो । आयोजना अन्तर्गत भवन, ७८ किमि पाइपलाइन विस्तारको काम हुने उनले बताए ।
१ करोड ४३ लाख ८ सय ७७ लागतमा ओभरहेड ट्याकी निर्माण हुन लागेको खानेपानी सरसफाइ सब डिभिजनका प्राविधीक तिलक न्यौपानेले बताए ।
शिवपुर खानेपानीको कुल लागत भ्याट बाहेक करिब १६ करोड रहेको बताउँदै उनले कुल लागतको १ प्रतिशत उपभोक्ताले रकम जम्मा गर्नु पर्ने र सो रकम उपभोक्ता समितिले मर्मत संभारका लागि प्रयोग गर्ने बताए ।
निर्माणको जिम्मा पाएको सगुन कन्ट्रक्सनले ओभरहेड ट्याकी निर्माण अवधी २४ महिना भए पनि काम गर्ने शिलशिलामा बाधा अवरोध नआएमा १० महिनामा नै सम्पन्न गरिसक्ने कन्ट्रक्सनका प्रोपाइटर सागर खड्काले बताए ।
शिलन्यास कार्यक्रममा नगर उप प्रमुख शिवकुमारी थारु, वडा अध्यक्ष जगत जिसी, कार्यपालिका सदस्यहरु लक्ष्मी हमाल, टिका वि.क., स्थानिय विभिन्न संघसस्थाका प्रमुख प्रतिनिधी र स्थानीयहरुको सहभागिता रहेको थियो ।
आजको मौसम : यी तीन प्रदेशमा मेघगर्जनसहित वर्षाको सम्भावना
इजरायल र इरानबीच कसको सेना बलियो छ ?
बालबालिकालाई आज भिटामिन ‘ए’ खुवाइँदै
गुजरातमा भयानक सडक दुर्घटना, १० जनाको मृत्यु
अन्धविश्वासी रूसी फुड ब्लगरले महिना दिनको बच्चालाई भोकै मारे
डलरको भाउ स्थिर, यूरो र पाउण्डको मूल्य बढ्यो
नौमती बाजा बजाउन निस्केका महिला
नाउपाका पाँच सांसदले प्रदेश प्रमुखलाई बुझाए सोडारीलाई समर्थन नरहेको पत्र
दिनभरका TOP 15 NEWS : टर्यो गठबन्धनको संकट, जहाजमा बेवारिसे एक किलो सुन !
अधुरा विकासका कामहरू अब पूरा हुँदै जान्छन् : केपी शर्मा ओली
ग्लोबल आइएमई बैंक र हब इन्टरनेशनल एजुकेशनबीच समझदारी
मुक्तिनाथ विकास बैंक र फाइनान्स फ्रेन्डबीच सम्झौता
सिटिजन्स बैंकको १७औं वार्षिकोत्सवको अवसरमा घरबारविहीनलाई १७ दिन भोजन व्यवस्था
तीनजना सहसचिव सचिव पदमा बढुवा
