काठमाडौँ, ४ माघ । चौथो संस्करणको प्रधानमन्त्री कप राष्ट्रिय एकदिवसीय पुरुष क्रिकेट प्रतियोगितामा वाग्मती प्रदेश र नेपाली सेनाको त्रिभुवन आर्मी क्लब आ–आफ्नो खेलमा विजयी भएका छन् ।
वाग्मतीले नेपाल पुलिस क्लबलाई सात विकेटले तथा आर्मीले कर्णाली प्रदेशलाई ८० रनले पराजित गरेको हो ।
कीर्तिपुरस्थित त्रिवि क्रिकेट मैदानमा टस हारेर ब्याटिङ गरेको पुलिसले २९ दशमलव तीन ओभरमा सबै विकेट गुमाउँदै १११ रन बनायो । जितका लागि ११२ रनको सामान्य लक्ष्य वाग्मतीले ३४ दशमलव चार ओभरमा तीन विकेट गुमाएर पूरा गर्यो ।
वाग्मतीका लागि उपकप्तान पृथु बास्कोटाले अविजित ४८ रन बनाउनुभयो । यस्तै इशान पाण्डेले अविजित १७, आदिल खानले १२ तथा पारस खड्काले १७ रन बनाए । बलिङतर्फ पुलिसका दीपेन्द्रसिंह ऐरी र ललितनारायण राजवंशीले एक एक विकेट लिए ।
यसअघि ब्याटिङ गर्ने क्रममा पुलिसका लागि सुनिल धमलाले १७, आरिफ शेखले २१ र दीपेन्द्रसिंह ऐरीले २१ रन बनाउनुभयो । बलिङतर्फ वाग्मतीका नन्दन यादव र तिलकराज भण्डारीले चार चार तथा रामनरेश गिरीले दुई विकेट लिए ।
यसैगरी मूलपानी क्रिकेट मैदानमा आजै सम्पन्न खेलमा आर्मीले लगातार दोस्रो जित निकालेको छ । आर्मीले कर्णालीलाई ८० रनले हरायो । जितका लागि १९६ रनको विजयी लक्ष्य पछ्याएको कर्णालीले ३३ दशमलव तीन ओभरमा सबै विकेट गुमाउँदै ११५ रन बनायो ।
कर्णालीका कप्तान रविन्द्रजङ्ग शाहीले सर्वाधिक ३०, हेमन्त ओलीले १६ तथा दीनेश अधिकारीले १२ रन बनाउनुभयो । बलिङतर्फ आर्मीका लागि सुशन भारीले चार, साहब आलमले तीन, रोहित पौडेलले दुई तथा हरि चौहानले एक विकेट लिए ।
यसअघि टस जितेर पहिला ब्याटिङ गर्दै आर्मीले ४३ दशमलव एक ओभरमा सबै विकेट गुमाउँदै १९५ रन बनाएको थियो ।
आर्मीका लागि अनिल मण्डलले ११४ बलमा १४ चौकासहित ८९ रन बनाए । यस्तै कप्तान विनोद भण्डारीले ५५ बलमा तीन चौका र एक छक्कासहित ४१, रोहित पौडेलले ११, लोकेश बमले १३ र राजेश पुलामीले १६ रन बनाए ।
बलिङतर्फ कर्णालीका दिवान पुन, राज शाह र दिनेश अधिकारीले दुई दुई तथा रविन्द्रजङ्ग शाही, अनुज चुनरा र युनिस सिंहले एक एक विकेट लिए । –रासस
विराटनगरमा हिन्दु र मुस्लिम समुदायबीच झडप, स्थिति तनावग्रस्त
गलत बुझाइको भाष्य चिर्न नेतृत्व गम्भीर हुनुपर्ने समय आयो : गगन थापा
आजको मौसम : यी तीन प्रदेशमा मेघगर्जनसहित वर्षाको सम्भावना
बालबालिकालाई आज भिटामिन ‘ए’ खुवाइँदै
एनएमबि बैंकको एघारौँ हेरिटेज वाक कार्यक्रम सम्पन्न
इलामको विकासको जिम्मा एमालेले लिन्छ : केपी शर्मा ओली
इजरायल र इरानबीच कसको सेना बलियो छ ?
सुदूरपश्चिमको मुख्यमन्त्रीमा एकीकृत समाजवादीका सोडारीद्वारा दावी पेश
सुदूरपश्चिममा दीर्घ सोडारीलाई समर्थन गर्न एमाले तयार
मधेशका मुख्यमन्त्री यादवद्वारा मन्त्रिपरिषद् विस्तार
इलाममा भारतीय गाडीको प्रयोग गरी ‘नो भोट’ अभियान, दुर्गा प्रसाईं सहभागी
सेयर बजार दोहोरो अंकले घट्यो, कारोबारमा लगातार गिरावट
एमालेले भोलि विशेष पत्रकार सम्मेलन गर्दै
लुम्बिनी सरकार विस्तार, को–को बने मन्त्री ?
