वाशिङ्टन, २८ पुस । अमेरिकी राष्ट्रपति डोनल्ड ट्रम्पलाई पदबाट हटाउनका निम्ति तल्लो सदनमा औपचारिक रूपमा प्रस्ताव प्रस्तुत गरिएको छ ।
डेमोक्र्याटिक पार्टीद्वारा हाउस अफ रेप्रिजेन्टेटिभ्समा पेश गरिएको प्रस्तावमा ट्रम्पमाथि गत साताको हिंसालाई प्रोत्साहित गरेको आरोप लगाइएको छ ।
बीबीसीले प्रकाशित गरेको समाचार अनुसार डेमोक्र्याटहरूले अमेरिकी संसद्मा राखेको प्रस्तावमा डोनल्ड ट्रम्पबाट राष्ट्रपतीय शक्ति खोस्न उपराष्ट्रपति माइक पेन्स र बाँकी मन्त्रिमण्डललाई आग्रह गरिएको छ ।
उक्त प्रस्तावमाथि तल्लो सदनमा छिटोमा मङ्गलवार मतदान हुनसक्ने समाचारमा उल्लेख गरिएको छ ।
डेमोक्र्याटहरूले राष्ट्रपतिमाथि दोस्रो पटक महाभियोग लगाउने प्रक्रिया पनि औपचारिक रूपमा सुरु गरेको बताइएको छ ।
ट्रम्पमाथि नोभेम्बर महिनामा भएको चुनावमा जो बाइडनको जित उल्टाउने प्रयासमा गत बुधवार संसद्मा आक्रमण गर्ने आफ्ना समर्थकलाई प्रोत्साहित गरेको आरोप लगाइएको छ ।
तल्लो सदनकी सभामुख न्यान्सी पेलोसीले ट्रम्पका कारण अमेरिकी प्रजातन्त्र र संविधानमाथि तत्काल खतरा रहेको बताएकी छन् ।
उनको पार्टीले अघि सारेका दुवै योजनाको उद्देश्य जनवरी २० तारिखमा पदावधि सकिनुअघि नै ट्रम्पलाई राष्ट्रपति भवनबाट निकाल्नु हो ।
त्यसको निम्ति उनीहरूले पहिलो प्रयास अमेरिकी संविधानको व्यवस्था अनुसार ट्रम्पलाई पदमुक्त गर्न उपराष्ट्रपति पेन्सलाई तयार गर्ने देखिन्छ ।
त्यस प्रक्रिया अनुसार कार्यवाहक राष्ट्रपतिको जिम्मेवारी उपराष्ट्रपतिमा आउँछ ।
त्यसपछि महाभियोग
संसद्को त्यो प्रयासमा तल्लो सदनको समितिमा रिपब्लिकन सांसदको असहमतिका कारण अवरोध उत्पन्न भएको छ ।
त्यसैले छलफल र सम्भवतः मतदानको निम्ति मङ्गलवारको समय निर्धारण गरिएको छ।
यदि पेन्स ट्रम्पलाई हटाउन तयार भएनन् भने कैयौँ विज्ञहरूले महाभियोग लगाउने प्रक्रियाको निम्ति प्रस्तुत प्रस्तावमा बुधवार छलफल सुरु हुने ठानेका छन् ।
महाभियोग विधेयकका प्रस्तावकहरूले तल्लो सदनबाट पारित गर्न आफूहरूसँग आवश्यक सांसद सङ्ख्या रहेको बताएका छन् ।
तल्लो सदनबाट ट्रम्पमाथि महाभियोग लगाइएमा उनलाई दोषि ठहर्याउने या नठहर्याउने भन्ने विषयमा माथिल्लो सदन सिनेटमा सनुवाइ हुने छ ।
त्यहाँबाट पारित हुन दुई तिहाई मत आवश्यक हुन्छ । तर त्यो प्रक्रिया तत्काल टुङ्गोमा पुग्नेमा डेमोक्र्याटहरू नै विश्वस्त देखिएका छैनन् ।
सुनचाँदीको मूल्य बढ्यो, तोलाको कति पुग्यो ?
बैंकिङ कसुरमा फरार करुणा शाही पक्राउ
कांग्रेसभित्रको विवाद नमिलेपछि उम्मेदवार डम्बर खड्का तनावमा
कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर
काभ्रेको भुम्लुमा सुमो दुर्घटना, १० घाइते
फेवातालमा डुंगा दुर्घटना, ५ जनाको सकुशल उद्धार
मनिषालाई ‘दिल तो पागल हे’को पछुतो
काठमाडौंका ४ वडामा महिलाको क्यान्सर परीक्षण, २६ जनामा पोजेटिभ
प्रहरी चौकी भवन निर्माण ५ वर्षदेखि अलपत्र
सरकारको स्थायित्वबारे चलाइएका हल्ला निराधार : विष्णु पौडेल
बारामा करेन्ट लागेर एक युवकको मृत्यु
डेम्बेले र एम्बाप्पेको गोलमा पीएसजी विजयी
जरलहवामा आगलागीबाट दुई वटा बस्ती नै खरानी, ९७ घर जले
