कोरोना अपडेट : शुक्रबार ६०८ जना संक्रमित थपिंदा ८९२ जना डिस्चार्ज, ९ जनाको मृत्यु

काठमाडौं, १० पुस । नेपालमा पछिल्लो २४ घण्टामा कोरोना भाइरसका ६०८ जना नयाँ संक्रमित थप भएका छन् ।

पीसीआर विधिबाट ४ हजार १४२ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ५७ हजार २०० जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८९२ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ४८ हजार २९२ जना पुगेको छ ।

यस्तै पछिल्लो २४ घण्टामा देशभर ९ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ८१६ जना पुगेको छ ।

हाल देशभर सक्रिय संक्रमितको संख्या ७ हजार ९२ छ ।

मन्त्रालयका अनुसार हालसम्म नेपालमा १९ लाख ३९२ जनाको पीसीआर विधिबाट स्वाब परीक्षण गरिएको छ भने अहिले ७ हजार ९२ जना आइसोलेसन र ३६९ जना क्वारेन्टिनमा छन् ।