काठमाडौं, ६ पुस । साताको दोस्रो दिन आज सोमबार सुन चाँदीको मूल्य वृद्धि भएको छ ।
आइतबार स्थिर रहेर तोलाको ९४ हजार ३०० रुपैयाँमा कारोबार भएको सुनको मूल्य सोमबार बढेको हो । सोमबार सुनको मूल्य तोलामा ९०० रुपैयाँले बढेर ९५ हजार २०० रुपैयाँ निर्धारण गरिएको छ ।
त्यस्तै, आज तेजावी सुनको मूल्य तोलामा ९४ हजार ७०० रुपैयाँमा कारोबार भइरहेको छ भने चाँदीको मूल्य ४० रुपैयाँले बढेर तोलाको १ हजार ३२० रुपैयाँमा कारोबार भइरहेको नेपाल सुनचाँदी व्यवसायी महासंघले बताएको छ ।
आइतबार छापावाल सुनको मूल्य स्थिर रहेर ९४ हजार ३०० रुपैयाँमा कारोबार भएको थियो भने तेजावी सुन प्रतितोला ९३ हजार ८०० रुपैयाँमा कारोबार भएको थियो ।
त्यस्तै, आइतबार चाँदीको मूल्य स्थिर रहेर तोलाको १ हजार २८० रुपैयाँमा कारोबार भएको थियो ।
प्रतिक्रिया
सम्बन्धित
सिफारिस