काठमाडौं, ३ पुस । पछिल्लो २४ घण्टामा काठमाडौं उपत्यकामा थप २८७ जनामा कोरोना संक्रमण पुष्टि भएको छ ।
कोरोना पुष्टि हुनेमा १२१ महिला र १६६ जना पुरुष रहेका छन् । स्वास्थ्य तथा जनसंख्या मन्त्रालयका अनुसार काठमाडौंमा २०२, भक्तपुरमा ९ र ललितपुरमा ७६ जना नयाँ संक्रमित थपिएका हुन् ।
नेपालमा पछिल्लो २४ घण्टामा कोरोना भाइरसका ७८२ जना नयाँ संक्रमित थप भएका छन् ।
पीसीआर विधिबाट ५ हजार ७०६ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ५२ हजार ४७४ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार २९ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ४१ हजार ३९२ जना पुगेको छ ।
यस्तै पछिल्लो २४ घण्टामा देशभर १६ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ७६५ जना पुगेको छ ।
हाल देशभर सक्रिय संक्रमितको संख्या ९ हजार ३१७ छ ।
मन्त्रालयका अनुसार हालसम्म नेपालमा १८ लाख ६१ हजार ४३० जनाको पीसीआर विधिबाट स्वाब परीक्षण गरिएको छ भने अहिले ९ हजार ३१७ जना आइसोलेसन र ४२७ जना क्वारेन्टिनमा छन् ।
प्रतिक्रिया