कैलालीमा चोरी भएको मोटरसाइकलसहित १६ वर्षे किशोर पक्राउ

काठमाडौँ, ३० मंसिर । कैलालीमा मोटरसाइकल चोरी गरेको आरोपमा प्रहरीले ४ घण्टामै पक्राउ गरेको छ ।

घोडाघोडी नगरपालिका–२, साडेपानी बस्ने वर्ष १६ का अर्जुन विष्ट चोरी भएको मोटरसाइकलसहित पक्राउ परेका हुन् ।

सोमबार दिउँसो कैलालीको धनगढी उपमहानगरपालिका–१, मालपोत कार्यालय अगाडि पार्किङ्ग गरेको से ३ प ३७४ नम्बरको सुपर स्प्लिण्डर मोटरसाइकल चोरी भएको थियो ।

मोटरसाइकल चोरी भएको सूचनाका आधारमा खोज तलासमा लागेको प्रहरीले विष्टलाई मोटसाइकलसहित पक्राउ गरेको हो ।